n
A Universidade de Santiago de Compostela organiza, en colaboración coa Xunta de Galicia, unha xornada para coñecer e debater dende diferentes ópticas todos os pasos que unha persoa emprendedora ten que dar para optimizar a busca de financiamento privado para o seu proxecto empresarial. O workshop terá lugar en Santiago de Compostela o 22 de setembro.
n
n
A traxectoria do Programa de Creación de Empresas desta Universidade serviu de base e aprendizaxe para coñecer as dificultades ás que se enfrontan os emprendedores en cada unha das fases de creación, posta en marcha e consolidación do seu proxecto.
n
n
Reuniranse alí persoas expertas e investidores que orienten e acompañen os emprendedores no proceso de busca de financiamento privado.
n
n
Tamén se abordarán formas novas de facer empresas, con criterios socialmente responsables e tratarase o liderado feminino a través da experiencia de mulleres que tiveron un papel indispensable no desenvolvemento das organizacións que lideran.
n
n
Dirixido a persoas emprendedoras, persoal técnico de apoio empresarial e profesionais vinculados ao campo do financiamento privado.
n
n
Co obxectivo de atraer e pechar con éxito os procesos de negociación con investidores, os participantes na xornada poderán interactuar con expertos de recoñecido prestixio nun ámbito distendido, que facilitará o intercambio de experiencias e impresións.
n
n
Máis información www.inberso.com/es/workshop.
n
n
(Fonte: Universidade de Santiago)
n
n
n