E é que os emprendedores desta entidade puxeron en marcha Ustartup, un videoxogo destinado a axudar o usuario a aprender a emprender dunha forma moi amena e divertida.
O obxectivo de UStartup en ensinar os emprendedores a desenvolver un modelo de negocio que poida converterse nun éxito. Para conseguilo, o videoxogo anima aos usuarios a crear un avatar e a especificar o nome do seu proxecto e a cantidade de diñeiro que van empregar para poñelo en marcha.
Todo iso seguindo os pasos da metodoloxía do Business Model Canvas e recorrendo a un pasatempo perfecto para aprender a emprender dun modo divertido e entretido que dista moito de ser aburrido.
Un videoxogo gratuíto dispoñible para iOS e Android
Outra das calidades do videoxogo UStartup, o cal poderá resultarche moi útil se estás a pensar en montar o teu propio negocio, é que está dispoñible para os usuarios de forma gratuíta e que, ademais, pode ser descargado sen custo en Google Play e proximamente tamén na App Store.
Así mesmo, é importante destacar que, aínda que o videoxogo UStartup pode ser utilizado por emprendedores de todas as idades, os creadores desta ferramenta interactiva puxeron un interese especial nos mozos, que están cada vez máis familiarizados coas novas tecnoloxías e coas aplicacións móbiles.
(Fonte: Diariodeemprendedores)