Esta ‘app’ transforma os datos que se xeran nas cidades en información de valor que axuda aos organismos públicos na toma de decisións e a crear cidades máis habitables e sustentables. A ‘app’ ofrece unha visión en tempo real de 80 indicadores clave de rendemento das cidades. Dende a economía local, pasando polo nivel de delincuencia, ata a educación.
Os indicadores aparecen en cor verde, ámbar ou vermello para que os gobernos se concentren nas áreas que requiren unha maior atención. A aplicación dá acceso durante 24 horas e todos os días do ano ás estatísticas clave a través dos dispositivos móbiles dos clientes.
A compañía, que ten previsto pechar o ano cunha facturación de máis de 2 millóns de euros, foi invitada ao encontro World to NYC – Smart & Sustainable Cities Global Challenge que organiza cada ano o concello de Nova York e onde se reúnen as quince empresas máis innovadoras de mundo.
Bismart fundouse en 2009 e poucos meses despois gañou o premio Barcelona Capital Emprendedora polo seu Plan de Empresa. Hoxe conta con 50 traballadores e o seu obxectivo é abrirse ao mercado latinoamericano a través da súa recente entrada en Arxentina, e máis tarde conquistar Estados Unidos e Arabia Saudí.
(Fonte: Spain Technology)