A firma de telecomunicacións e criptografía abriu unha delegación en Estados Unidos, onde atopou o seu principal nicho entre as grandes corporacións. O seu último proxecto sorprende ao sector da seguridade e gaña 15 premios.
Dende o estalido do caso da espionaxe masiva en Estados Unidos, as empresas están cada vez máis preocupadas pola preservación dos seus segredos industriais, que ademais representan un dos maiores obxectos de desexo dos hackers internacionais. A compañía española Enigmedia conta con varias liñas de investigación e solucións tecnolóxicas de encriptado. De momento, o seu principal produto é un kit que incorpora todo o necesario para que calquera empresa ou usuario poida realizar unha videoconferencia cifrada.
A liña de investigación da empresa baséase na teoría do caos. De aquí xorde un algoritmo matemático con aplicacións no ámbito da criptografía con resultados moi similares aos da encriptación cuántica. En menos de tres anos a empresa gañou máis de quince premios de emprendedores.
Enigmedia abriu unha delegación en Estados Unidos, onde atopou o seu principal nicho de clientes entre as grandes corporacións. Ademais, a startup conta con socios en Colombia, Ecuador, Perú e Arabia Saudí. E pronto viaxará a África. Nos mercados exteriores a empresa traballa para administracións públicas, forzas de seguridade e clínicas privadas, entre outros.
(Fonte: Spain Technology)