Como explica o centro tecnolóxico, dende unha perspectiva nutricional, os tratamentos térmicos no procesado de alimentos poden xerar compostos bioactivos con efectos positivos para a saúde ademais de mellorar a dixestibilidade e bioaccesibilidade dalgúns compostos beneficiosos. A aplicación de novas tecnoloxías busca evitar posibles inconvenientes asociados ao uso dos tratamentos térmicos habituais como modificación da calidade sensorial dos alimentos, xeración de aromas e sabores non característicos e a aparición de acrilamidas.
As novidades
Son tres os tipos de tratamentos térmicos que se suman á ondada innovadora na alimentación: por microondas -logra a cocción e pasteurización dos alimentos nun só paso, conservando as calidades nutricionais e organolépticas dos alimentos-, por radiofrecuencia -permite un quentamento rápido e uniforme dos alimentos, de maneira que se reduce o tempo de procesado- e por quentamento óhmico -polo que se evitan sobrequentamentos nos produtos alimentarios e con iso lógrase unha mellor conservación da calidade nutricional destes-.
(Fonte: Innovaspain)