Transfire, o Foro Europeo para a Ciencia, Tecnoloxía e Innovación, regresa ao Palacio de Feiras e Congresos de Málaga

Transfire, o cuarto Foro Europeo para a Ciencia, Tecnoloxía e Innovación, regresa ao Palacio de Feiras e Congresos de Málaga co apoio de empresas de referencia nos campos da tecnoloxía e a innovación, como son Telefónica, Airbus Group e Clarke, Modet & Co. O evento celebrarase os días 11 e 12 de febreiro de 2015 e contará cun amplo programa de conferencias e mesas redondas onde medio centenar de expertos procedentes do ámbito público e privado, abordarán as tendencias e oportunidades en innovación desde a óptica do emprendemento, o papel dinamizador das plataformas tecnolóxicas e a internacionalización dos proxectos.

Telefónica, unha das maiores compañías de telecomunicacións do mundo con presenza en 21 países en Europa e Latinoamérica, patrocina a Zona 3.14 de Foro Transfire, espazo práctico dedicado a pemes, EBTs, start-ups, e grupos de investigación para fomentar competencias emprendedoras que posibiliten levar ao mercado ideas de negocio, proxectos novidosos e liñas de investigación innovadoras.

Pola súa parte, a entrada en 2015 de Airbus Group, unha das maiores corporacións do sector aeronáutico e aeroespacial a nivel mundial, coincide coa incorporación deste sector no foro, que por primeira vez contará cunha zona específica.

A multinacional Clarke, Modet & Co.Intelectual achegará o coñecemento no desenvolvemento de estratexias para a protección e explotación dos dereitos de Propiedade Industrial e Intelectual en procesos de investigación e transferencia de coñecemento en grandes e pequenas empresas.

Colaboradores

Entre as entidades colaboradoras da cuarta edición do Foro Transfire atópanse a Asociación de Parques Científicos y Tecnológicos de España (APTE), o Parque Tecnológico de Andalucía (PTA), Topdigital e Escuela de Organización Industrial (EOI), que prestan o seu apoio na realización deste encontro. O proxecto conta co cofinanciamento de fondos FEDER europeos.

(Fonte: Axencias)