No Parque Tecnolóxico de Galicia, Tecnópole, a innovación define os nosos servizos. Os nosos residentes obteñen solucións singulares máis alá do convencional, así como asesoramento e acompañamento para facer fértiles os seus proxectos.
Cooperamos, interactuamos, creamos sinerxías dentro da cultura da tecnoloxía e fomentamos a educación científica.
Os profesionais de Tecnópole, ao servizo das empresas residentes, actúan como un acelerador tecnolóxico que conecta redes de coñecemento, empresas e institucións para dotar de valor engadido todo o proceso de traballo.
Somos talento e buscamos atraer o talento a Tecnópole, tanto desde o ámbito educativo como empresarial. Pensamos que é a única maneira de chegar á excelencia. Probablemente non todo cabe en Tecnópole, pero estamos convencidos de que en Tecnópole sempre hai espazo para o talento.
TECNÓPOLE é a cidade da tecnoloxía. Un lugar pensado para facilitar tanto os procesos de traballo como a conciliación familiar. Nunha contorna respectuosa e cunha comunidade enerxética autosostible.
Interésache
Faite residente
Descubre todo o que Tecnópole pode ofrecerche para axudar á túa empresa a crecer