Tecnópole súmase á celebración do Día das Letras Galegas lanzando a busca do mellor refrán

O concurso, aberto a todas as persoas que traballan no Parque Tecnolóxico de Galicia, consiste en enviar o refrán preferido en galego a través da canle de Tecnópole en Twitter, precedido da referencia #omellorefrán, ou ao mail isabel@tecnopole.es. Valoraranse especialmente a sonoridade, o significado e a orixinalidade.

O prazo remata o 13 de maio e o gañador, que recibirá como premio un libro de Manuel María, darase a coñecer o día 16.