Tecnópole produce un novo vídeo corporativo e renova a súa galería de fotografías

Tecnópole acaba de aloxar na plataforma multimedia Vimeo o seu novo vídeo corporativo e de renovar a súa galería fotográfica en Flickr incorporando espectaculares imaxes aéreas e da actividade desenvolvida en empresas e centros tecnolóxicos.
n
nO novo vídeo corporativo de Tecnópole fai un percorrido completo por todos os aspectos relevantes da actividade da entidade Parque Tecnolóxico de Galicia e das súas empresas e centros tecnolóxicos. En pouco máis de doce minutos, preséntase de forma dinámica todo o que calquera debería saber para ter unha idea xeral e moi completa sobre que é Tecnópole e que servizos ofrece.
n
nA renovación da galería fotográfica supuxo a incorporación de máis dun cento de imaxes entre as que destacan as aéreas. O Centro Experimental de Enerxías Renovables (xa co seu aeroxerador instalado), o Laboratorio da Lanzadeira de Empresas de Biotecnoloxía e os laboratorios e plantas de produción de empresas e centros tecnolóxicos centran a temática das fotografías, dispoñibles para descarga desde a plataforma Flickr e para uso baixo unha licenza Creative Commons.
n
n
n
n