A consultora Legal Forma instálase no edificio Tecnópole I para prestar servizos de seguridade informática e desenvolvemento de actividades formativas e solucións TIC, principalmente de e-learning, simulación 3D e realidade virtual, nos ámbitos dos idiomas, a saúde e técnico.
Na modalidade de domiciliación virtual, chegan a Tecnópole outras tres empresas. Ultrasmarts Networks presta servizos avanzados de xestión de datos nos campos do big data e da business intelligence, á vez que desenvolve aplicacións móbiles, plataformas de comercio electrónico e xestión de redes sociais.
O exitoso mercado dos produtos gourmet é a oportunidade de negocio na que se centra Atlántica Trader Global, dedicada á venda online dunha ampla gama de alimentos delicatessen, bebidas e suplementos nutricionais.
Por último, Conforma Consultoría presta servizos de formación dirixida a múltiples sectores, como o transporte profesional, a saúde, a prevención, a construción e o adestramento en habilidades directivas mediante coaching, entre outros.
(Fonte: Tecnópole)