Este cargador externo xera até 10W de potencia eléctrica e destaca por un deseño especialmente delgado que fai que fose cualificado como o “cargador solar máis lixeiro e delgado do mundo”. As súas dimensións son 90 x 190 x 11 mm, e o seu peso é de 120 gramos, pero ademais de ser compacto ten outra vantaxe: poderemos crear un “cluster” de Solar Panels para acumular aínda máis enerxía.
De feito cada panel individual xera 2,5W, pero ao unir catro deles a través de pequenos imáns situados nos laterais chegaremos a esa capacidade máxima. Os enxeñeiros da firma Yolk que desenvolveron este dispositivo destacan a integración dun sistema que detecta cando existe a suficiente luz solar como para que o dispositivo siga recargando esa batería externa.
Tamén hai unha pequena pantalla LCD integrada que mostra a corrente que se lle está fornecendo aos dispositivos que conectamos, e grazas a ese indicador poderemos comprobar se inclinando lixeiramente o panel ou de orientación podemos mellorar esa transmisión de enerxía. A campaña de financiamento colectivo de Kickstarter xa superou o seu obxectivo inicial, e espérase que este dispositivo se envíe a estes investidores a partir de setembro de 2015, cun prezo que parte dos 69 dólares.
(Fonte: xataka)