Primux recibiu recentemente o diploma de empresa comprometida coa inserción laboral de persoas con síndrome de Down, outorgado pola asociación Down España. O certificado “Estamos preparados” foille concedido durante un acto celebrado na Confederación de Empresarios de Ourense, no que se recoñeceu o apoio da empresa –cuxo centro de I+D se atopa en Tecnópole– á inserción laboral do colectivo.
O programa no que se inclúe a participación de Primux, “Yo me prep@ro”, promovido por Down Ourense e a Fundación Vodafone España, trata de concienciar sobre a inclusión laboral das persoas con síndrome de Down e discapacidade intelectual. Esta iniciativa busca mostrar ás empresas e á sociedade en xeral, a través de programas de formación e emprego, que beneficios achega a inserción laboral de persoas con capacidades diversas.