Catro de cada dez empresas dos polígonos industriais da comarca de Ourense carecen de páxina web e a gran maioría permanecen fóra das redes sociais. Estes son os principais resultados do estudo presentado hoxe por Goal Comunicación no ciclo “Os mércores de Tecnópole” sobre a reputación online das empresas dos polígonos de San Cibrao das Viñas, Pereiro de Aguiar e Barreiros.
n
n
n
Tal e como expuxo esta mañá a fundadora da empresa autora do estudo, Alba Adá, o 40,75% das 242 empresas situadas nestes recintos industriais non ten páxina web e só o 14,62% conta con algún perfil oficial nas redes sociais, “ao que hai que engadir que unicamente un 3% delas fai un bo uso destas ferramentas”.
n
n
n
Segundo a experta, a deficiente presenza en internet e a práctica inexistencia de estratexias de comunicación e marketing dixital nas empresas da comarca “é un factor que lastra directamente a súa visibilidade e crecemento”.
n
n
Adá lembrou que os buscadores, especialmente Google, son os recursos máis utilizados polos internautas para buscar información. O 45% dos casos elixen o primeiro resultado do buscador e o 68% non pasan da primeira páxina. “Vivimos nun mundo 2.0 no que todo xira arredor do dixital. Estar ben situado en Internet e ter unha boa imaxe online é fundamental e por iso é tan importante que as empresas coñezan as vantaxes de usar as redes sociais de forma profesional e coidar a imaxe corporativa en internet”.
n
n
“A reputación da empresa en internet debe ser unha prioridade”, destacou a fundadora de Goal Comunicación, unha iniciativa emprendedora que se puxo en marcha hai un par de meses na sala de coworking da Tecnópole. “España foi o quinto país do mundo en uso de redes sociais no 2012, polo que a masa crítica nelas é suficientemente considerable como para que as empresas se esforcen en abrir novas vías de comunicación”.
n
n
A experta comentou que un dos principais erros que se atopou tras analizar as empresas ourensás é o descoñecemento das oportunidades que poden ter as redes sociais. “Isto percíbese como un gasto e non como un investimento, cando as empresas que teñen mellor imaxe online creceron un 158% nos últimos anos grazas ás redes sociais”. Neste sentido, apuntou que hai que ter en conta que o 70% dos consumidores busca en internet os produtos nos que está interesado para ver as opinións doutros consumidores e está demostrado que isto condiciona a compra de maneira determinante.
n
n
Consellos para crecer na rede
n
n
As empresas que asistiron á sesión de hoxe dos “Mércores de Tecnópole” recibiron de forma gratuíta un informe coa análise da súa imaxe corporativa en internet e indicacións prácticas para incrementar a súa visibilidade e mellorar o seu posicionamento na rede.
n
n
Desta maneira, Goal Comunicación quixo ofrecerlles aos asistentes unha visión non só práctica, senón totalmente persoalizada, do que pode aportar a creación dunha boa imaxe en internet ás vendas dunha empresa.
n
n
Esta empresa de recente creación inaugurou así a primeira sesión do ano de ciclo “Os mércores de Tecnópole”, organizado polo Parque Tecnolóxico de Galicia para contribuír a poñer en valor a innovación das súas empresas. En cada sesión unha empresa expón as súas capacidades e diferenzas competitivas no seu ámbito de actividade co obxectivo de mellorar a súa visibilidade e o seu posicionamento no mercado.
n
n
No caso de empresas tan recentes como Goal Comunicación, esta iniciativa pretende darlle soporte aos emprendedores no seu posicionamento no mercado e incrementar as súas relacións empresariais e comerciais, un aspecto fundamental para a pervivencia dos negocios novos.
n