A formación, consistente en seis xornadas, levarase a cabo no Centro de Investigación en Novas Tecnoloxías Cirúrxicas Minimamente Invasivas (Tecmeva) de Tecnópole, que organiza os cursos xunto coa Sociedade Galega de Obstetricia e Xinecoloxía (SGOX). A formación complétase con sesións experimentais no Hospital Veterinario Rof Codina de Lugo.
O obxectivo deste adestramento práctico, que cerrou a súa primeira edición hai uns meses, é que no prazo de tempo máis breve posible o 100% das intervencións xinecolóxicas de calquera tipo que se realicen na sanidade pública galega sexan mediante estas técnicas, minimamente invasivas e máis seguras e eficaces.
Durante o curso, os alumnos e alumnas aprenden a aplicar estas técnicas á ligadura de trompas, á extirpación de quistes e hernias, á determinación do estadio dun tumor, á endometriose, etc. Para facelo posible, teñen á súa disposición en Tecmeva unha sala de adestramento con catro postos completos de endoscopia e un quirófano con instrumental e material específico de cirurxía laparoscópica, ademais de dous simuladores virtuais.