Inevio, o novidoso sistema operativo español gaña o respaldo do MIT

Un usuario pode usar numerosos dispositivos ao longo do día. O seu portátil, o smartphone, a tablet ou o ordenador da oficina. En cada un deles ten uns datos e aplicacións concretas e ás veces vese obrigado a sincronizar e copiar arquivos, con problemas de compatibilidade. Inevio (antes chamada WeeZeel) propón situar oficinas enteiras na nube. A firma española deseñou unha solución que permite aforrar pasos e tempo: un sistema operativo co que poder acceder ao ordenador dende calquera dispositivo do mundo.

A súa práctica e novidosa idea chegou ata Boston. O MIT organiza todos os anos unha aceleradora de empresas chamado GFSA (Global Founders’ Skills Accelerator) que reúne equipos tanto do Instituto Tecnolóxico como internacionais, e entre eles atópase esta empresa tecnolóxica.

Sen a necesidade de ter que instalar nada, a ferramenta é accesible dende calquera dispositivo con HTML5 e conexión a internet. Un sistema operativo 100% social, presentado nunha páxina web que funciona como un ordenador.

Con só introducir o nome de usuario e o contrasinal, o usuario dispón de diferentes aplicacións por defecto.

A primavera pasada, membros do MIT Club of Spain, a asociación de antigos alumnos do MIT, buscaron equipos de emprendedores que reunisen os requisitos para participar por primeira vez no programa GFSA. E ao parecer a proposta de Inevio representaba á perfección o que querían.

(Fonte: Spain Technology)