Sandra Rodríguez, licenciada en Ciencias da Información pola USC, ten 25 anos de experiencia no ámbito da comunicación. Traballou no gabinete de comunicación de Presidencia da Xunta de Galicia, foi redactora no Diario de Pontevedra, exerceu como responsable do Programa de Sensibilización Social do primeiro Plan Galego de I+D+i, foi subdirectora da Axencia Galega de Noticias (AGN) e, en 2007, fundou Growcom SL, especializada na xeración de contidos multicanle sobre ciencia, innovación e economía. Dende Growcom, desenvolve proxectos audiovisuais e editoriais para empresas e entidades como a Axencia Galega de Innovación e outros organismos da Xunta de Galicia, o Centro de Supercomputación de Galicia, o CSIC e as universidades galegas. Tamén foi profesora de Xornalismo Especializado na Facultade de Ciencias da Comunicación da USC e en diversas ocasións presentou eventos e conduciu mesas redondas de temática científica e económica para a Xunta de Galicia, a Fundación Barrié, o Parque Tecnolóxico de Galicia, Xesgalicia e o centro de investigación Economics for Energy, entre outros.

Anxo Vidal, Apaixonado pola innovación, e todo aquelo que impulse o progreso — ciencia, tecnoloxía, cultura ou novas formas de facer as cousas. Leanadicto por vocación (aínda que non sempre practicante), son unha persoa cun perfil híbrido que combina visión estratéxica, capacidade de adaptación e experiencia real no terreo en diferentes áreas como a planificación comercial, operacións... e en diferentes sectores como o industrial ou tecnolóxico. Considérome un "tradutor" empresarial, que conecta, diferentes vontades, intereses e obxectivos, asumindo responsabilidades para elo. Este papel podo exercelo en diferentes ambitos grazas a experiencia e carácter adquirido durante a miña carreira que me da a confianza necesaria para afrontar calquera reto. Gústame axudar a persoas e empresas a crecer, sempre dende a escoita e a aprendizaxe compartida. Creo firmemente no talento como motor do cambio e do progreso, e traballo para que ese potencial se converta en resultados reais e sostibles que impacten no territorio e na sociedade.