Estudantes de varias universidades valencianas participan nun proxecto internacional co obxectivo de deseñar unha alternativa biolóxica para a desinfección de augas contaminadas eliminando organismos patóxenos.
n
n
n
Con este traballo preséntanse á competición iGEM, organizada polo prestixioso Massachusettes Institute of Technology, MIT, que pretende difundir e impulsar entre os membros máis novos da comunidade científica a bioloxía sintética, unha nova área onde a bioloxía pasa de descubrir a inventar e crear organismos únicos e novos con tarefas predeterminadas.
n
n
Concretamente, o traballo do equipo valenciano realizarase mediante técnicas de bioloxía molecular e pretende dotar de mecanismos de defensa ás células para así poder eliminar os microorganismos patóxenos presentes na auga. O sistema será regulado mediante bacterias que aproveitarán a luz para modificar o pH do medio, que activará a acción das moléculas que atacarán aos patóxenos.
n
n
Un dos membros do equipo, David Hervás, asegura que este proxecto é “ambicioso e viable, e pode ser unha solución para un gran problema como é a contaminación da auga no mundo”. Respecto á orixe da idea, Mariña Sanz, licenciada en Ciencias do Mar, conta que xurdiu “a partir da procura dun tratamento alternativo ao uso de desinfectantes químicos, que dan lugar á formación de produtos secundarios prexudiciais para a saúde e o medio ambiente”. O equipo iGEM Valencia 2011 cre que quizais, nun futuro, esta idea podería empregarse no tratamento de augas.
n
n
Os resultados obtidos polos distintos equipos presentaranse en outubro en Amsterdam na semifinal europea; e en novembro, os clasificados participarán na final mundial en Boston, na sede do MIT.
n
n
Neste sentido, David Fonte, enxeñeiro químico, cre que é incrible “o que podemos chegar a construír en só un par de meses”. Ademais, di que é “toda unha experiencia traballar con compañeiros que posúen uns coñecementos e unha formación distinta á propia e todo un reto o ser capaces de coordinar tantas decisións en tan pouco tempo”.
n
n
Nesta mesma liña, Juan Ricardo Ortiz (Biotecnoloxía) asegura que o mellor do iGEM é “a posibilidade de coñecer alumnos doutros perfís e traballar conxuntamente na consecución dun mesmo obxectivo”. Pola súa banda, Maria Mossi, estudante de Ciencias do Mar, considera que é unha excelente oportunidade para entrar en contacto, por primeira vez, co mundo da investigación, xa que “hai moitas dificultades para iso se non tes experiencia, e ademais permítenos elixir o noso propio proxecto”.
n
n
De feito, Miguel Pitarch, estudante de Enxeñaría Industrial, di que o que máis significativo do iGEM é que tes “unha visión completa do que é un proxecto de investigación de principio a fin”.
n
n
Os estudantes, que desenvolven o proxecto durante as “vacacións” de verán, esperan igualar os excelentes resultados cultivados até o momento por este equipo español. Ademais, os mozos dedícanse, tamén, á procura do financiamento necesario para poder desenvolver e defender o seu proxecto.
n
n
O grupo InterTech é o coordinador do primeiro equipo español que competiu nesta iniciativa mundial, na que participan as mellores universidades. De feito, desde a súa asistencia pioneira en 2006, foi fiel a esta cita anual, logrando na súa traxectoria un número considerable de premios e recoñecementos, e facendo historia en 2009 cando o equipo valenciano quedou o terceiro do mundo.
n
n
(Fonte: RDi Press)
n
n