O máis sorprendente é que todos estes cambios tiveron lugar nos últimos quince ou vinte anos e o feito aínda máis arrepiante é que aínda que non todos se afixeron ao cambio e algúns ata renegan del, este non rematou aínda.
O que non resulta plausible é sentenciar que todas as innovacións tecnolóxicas son prexudiciais; o problema estriba en que se usen “na súa xusta medida” e que se aplique polo menos un mínimo de sentido común á hora de empregalas.
¿Estamos peor que un peixe de cores?
De acordo cunha enquisa realizada por Microsoft, a media de atención dos seres humanos reduciuse apenas a oito segundos. O preocupante é que os peixes de cores sábese que teñen unha capacidade de atención que rolda os nove.
A razón da diminución da capacidade de atención da humanidade é a chegada da telefonía móbil e a sobrecarga de información. Hoxe en día é doado distraerse pola notificación dunha aplicación, unha mensaxe ou un email, o que leva á diminución do interese e a atención da xente.
¿Esquecemos como se escribe?
Ao cabo do día recibimos centos de mensaxes enchidas de frases curtas, abreviaturas, vocabulario limitado, emoticonos, “frases feitas” e o peor de todo, palabras mal escritas. Anos de estudo case se perderon grazas a este tipo de “novas comunicacións”.
Fotos de “todo”
Convertémonos en fotógrafos a “tempo completo” e tomámolas en todas as partes. “Selfies”, cerimonias de graduación, saídas, ceas, momentos familiares, primeiros momentos do bebé, festas… a lista é interminable.
Se ben isto é xeralmente bo porque nos serve para rememorar momentos felices, o problema é que ás veces podemos perdernos o espectáculo duns fogos artificiais, porque estamos ocupados en filmalos ou fotografalos e compartilos nas Redes Sociais.
Non hai máis tempo libre
Google realizou unha enquisa e informou que o 40% dos propietarios de teléfonos intelixentes o utilizan ata no baño. Para algunhas persoas non hai máis momentos de relax ou de tempo libre, xa que teñen a necesidade de estar conectado sempre.
A “viralización”
É imposible saber que é o que vai viralizarse, dende un gato rosmón ata un rapaz que fai unha boa acción; o público é impredicible. Pero polas dúbidas, a enorme maioría (famosos incluídos) intentan sacar partido e lograr que a súa foto ou vídeo alcance o cume do éxito nas redes.
Accións innecesarias
Os reloxos pasaron a ser un accesorio, as enciclopedias, os libros, os reprodutores de música e cen elementos máis quedaron obsoletos, ante a realidade de que un dispositivo móbil e Internet poñen a información necesaria ao alcance dun clic. Recordar un número de teléfono, levar unha axenda ou tomar notas en papel, van en camiño de ser “cousa do pasado”.
Nenos súper informados
Os nenos de hoxe en día sábeno todo. Criáronse rodeados de tecnoloxía e úsana con pericia e naturalidade. Esta é unha arma de dobre fío, especialmente se non contan coa supervisión e a orientación axeitadas. Xa existe un nicho de mercado ocupado polos “cyber compradores” menores de idade e é moi lucrativo.
Axudas médicas
Dende apps que controlan signos vitais, vixían os paseos dun paciente de Alzheimer, pasando polos robots que reparten medicinas nun hospital ata chegar á nanotecnoloxía médica, a innovación tecnolóxica é unha ferramenta que no ámbito da saúde aínda ten moito desenvolvemento por diante; e a menos que sexa unha emerxencia Google dálle resposta a case todos os nosos males.
A universalidade das redes sociais.
Quen ten unha conta nalgunha das numerosas redes sociais como Facebook ou Instagram pode contactar con xente que nin sequera recordaba coñecer. As redes uniron familias á distancia, fixeron que compañeiros da infancia se reatopen e puxeron aos ladróns ao tanto de cando un está fóra de casa. Outra arma de dobre fío se non se manexa de xeito coherente.
Celebridades de Internet
Persoas aparentemente media convertéronse en celebridades e a súa vida e feitos fanse virais entre os adictos a Internet. Ser famoso xa non é dominio exclusivo das estrelas de cine, das da moda e/ou dos xogadores de fútbol.
Mulleres e homes “normais” poden converterse en estrelas de YouTube ou influenciadores de Instagram por facer as cousas ben e de forma coherente ou por realizar as máis insólitas (e ás veces perigosas) aventuras e colgar a foto ou o vídeo que o probe.
Ninguén se perde
Tanto se estás de vacacións nun país estranxeiro ou pretendes ir a un restaurante novo, a escusa de que te perdiches pasou de moda. Cos dispositivos GPS e as apps de busca, realmente é case imposible non saber exactamente onde estamos en cada momento.
Miles de voces
A chegada da tecnoloxía dixital e social deu a posibilidade de expresarse ás persoas que antes non tiñan voz. Grazas aos blogs, as publicacións sociais ou os vídeos de YouTube xa non é necesario ser alguén importante para dicir o que se pensa ou publicar un vídeo; non importa se o contido é construtivo ou destrutivo, para iso están os usuarios, para valoralo.
Comprar, comprar e comprar
A comodidade de comprar dende o sofá, tranquilamente instalado no seu fogar pode ser considerada unha das máis grandes revolucións dos últimos tempos. Sen dúbida as tendas físicas continuarán existindo para os que o requiran, pero a cantidade de fans do comercio electrónico crece a pasos axigantados.
(Fonte: Innovaticias)