Ese é o propósito polo menos de dous mozos indios, Krispian Lawrence e Anirudh Sharma, de 30 e 28 anos de idade respectivamente. Ambos os dous, tras estudar e traballar en compañías de Estados Unidos, decidiron montar o seu propio negocio e crearon Ducere Technologies, a responsable de fabricar os primeiros zapatos intelixentes do mercado.
Zapatos con GPS compatibles con Android, iOS e Windows
Baixo o peculiar nome de “Lechal”, a idea destes mozos materialízase nun pequeno dispositivo que se introduce nun equipo especial dentro do calzado en cuestión. Dentro dese aparato incorpórase un receptor GPS e unha pequena batería, así como unha conectividade Bluetooth para interactuar co noso smartphone, xa sexa este Android, iOS ou Windows.
Así, dende o noso teléfono móbil podemos trazar un percorrido en Google Maps, cuxas coordenadas se transmiten ao noso zapato. Logo, cando vaiamos camiñando, serán os nosos pés os que nos digan cara a onde habemos de ir, xa que o equipo dereito ou esquerdo vibrará segundo sexa a dirección que debemos tomar. O sistema tamén interactúa con outras apps, como aquelas que permiten contar calorías e monitorizar a nosa actividade física, ou sistemas de seguimento para persoas maiores ou con dependencia.
3000 unidades vendidas en 3 meses
Deseñado orixinalmente para persoas invidentes ou de avanzada idade, os “zapatos Lechal” obtiveron un inesperado éxito entre runners de todo o mundo. Non en van, xa se comercializaron uns 3000 exemplares deste dispositivo dende o seu lanzamento en setembro e as perspectivas son máis que positivas para esta incipiente tecnoloxía.
Na actualidade, ademais das soletas (que son antibacterianas, lavables e resistentes á auga), Lechal tamén comercializa a súa propia liña de calzado e ofrece, para a súa descarga gratuíta, a súa propia app. ¿O seu prezo? En torno a 100 dólares no caso da soleta, aínda que para conseguir unha é necesario reservala con antelación a través da súa páxina web.
(Fonte: ticbeat)