Químicos da Universidade Tufts (EE.UU.) desenvolveron o primeiro motor eléctrico cunha soa molécula. Este dispositivo mide só un nanómetro de diámetro, algo infinitesimal. Para facernos unha idea das súas dimensións nanométricas abonda dicir que un só filamento de cabelo humano ten aproximadamente 60.000 nanómetros de ancho.
n
n
n
O enxeño non só sorprende polo seu pequeno tamaño, tamén pode ser a base para crear unha nova clase de dispositivos con aplicacións que van dende a medicina, ata a enxeñería. A investigación aparece publicada na revista Nature Nanotechnology.
n
n
O motor eléctrico do equipo de Tufts mide só un nanómetro de diámetro, cando a actual marca mundial o ten un motor de 200 nanómetros. Segundo o doutor E. Charles H. Sykes, profesor asociado de química na Universidade de Tufts e autor principal do estudo, o equipo ten previsto presentar o motor eléctrico ao Libro Guinness dos Récords. "Houbo un progreso significativo na construción de motores moleculares alimentados por luz e por reaccións químicas, pero este é a primeira vez que se logrou desenvolver un motor molecular de propulsión eléctrica", afirmou Sykes, e engadiu que foron "capaces de demostrar que é posible proporcionar electricidade a unha soa molécula".
n
n
Sykes e os seus colegas foron capaces de controlar un motor molecular con electricidade mediante o uso dun microscopio de efecto túnel de baixa temperatura (LT-STM, polas súas siglas en inglés) que utiliza electróns en lugar de luz para "ver" as moléculas. O equipo utilizou a punta de metal no microscopio para proporcionar carga eléctrica a unha molécula de sulfuro de metilo butilo, que fora colocada sobre unha superficie condutora de cobre.
n
n
A -268 graos Celsius
n
n
Esta molécula, que contén xofre, irradiaba átomos de carbono e hidróxeno para formar o que parecían dous brazos, con catro átomos de carbono nun lado e un polo outro. Estas cadeas de carbono eran capaces de xirar libremente arredor do enlace de xofre e cobre. O equipo determinou que mediante o control da temperatura da molécula, poderían controlar a súa rotación. A temperatura de ao redor de -268 graos Celsius demostrou ser a ideal para seguir o movemento do motor. A esta temperatura, os investigadores de Tufts foron capaces de rastrexar todas as rotacións do motor e analizar os datos.
n
n
Se ben as aplicacións prácticas deste motor eléctrico son previsibles, deben realizarse avances relacionados coas temperaturas ás que os motores eléctricos moleculares funcionan. O motor xira moito máis rápido a temperaturas altas, dificultando o control do xiro do motor. "Unha vez que posuamos unha mellor comprensión sobre as temperaturas necesarias para controlar estes motores, estes poderían ser utilizados como aplicación nalgúns sensores e dispositivos médicos que inclúan tubos pequenos", indicou Sykes. Ademais, tamén pode servir para crear engrenaxes en miniatura para circuítos eléctricos en nanoescala que se poderían utilizar en dispositivos como, por exemplo, teléfonos móbiles.
n
n
(Fonte: ABC)
n