As empresas de Parque Tecnolóxico de Galicia xa poden solicitar novas colaboracións coa Universidade de Vigo

Parque Tecnolóxico de Galicia terá aberto o prazo de solicitude de proxectos para desenvolver o marco da Cátedra Tecnópole ata o próximo 30 de marzo. A Cátedra Tecnópole é unha plataforma que conta coa colaboración da Universidade de Vigo e que consiste en dinamizar e desenvolver proxectos conxuntos de I+D+i entre grupos de investigación universitarios e as empresas e institucións situadas no Parque.
n               
nO obxectivo desta actuación é promover a realización e difusión de accións de I+D+i naquelas áreas de coñecemento que favorezan o desenvolvemento tecnolóxico de Galicia e potenciar un espazo que sirva de punto de encontro entre os equipos de investigación da Universidade de Vigo e as empresas que desenvolvan a súa actividade en Tecnópole.
n 
nAta o próximo día 30, todas as empresas e entidades interesadas en beneficiarse deste programa deberán presentar as súas propostas de proxectos de I+D+i indicando o perfil apropiado dos recursos humanos necesarios para levalo a cabo.
n 
nA Cátedra supuxo o inicio da colaboración en 2008 entre nove empresas e centros tecnolóxicos de Tecnópole con investigadores da Universidade de Vigo en proxectos relacionados principalmente coas Tecnoloxías da Información e das Comunicacións (TIC) e a enxeñería industrial.
n
nOs promotores dos proxectos actualmente en marcha foron as empresas Imagos, Sonen, Trabeculae, Enyiris, Eiga, Hispamoldes e Quobis e os centros tecnolóxicos Aimen e Laboratorio de Metroloxía de Galicia. As iniciativas que se desenvolvan no contorno TIC van desde un proxecto 2.0 de vixilancia tecnolóxica ata solucións para comunicacións de banda ancha no mar e fórmulas de dotación de infraestruturas de telefonía vía internet para as pemes galegas. No sector industrial estase a traballar sobre o deseño de estruturas para naves agrícolas e industriais e a optimización do deseño de moldes.