Alumnas das Aulas Tecnópole resultan premiadas no maior certame científico de España polo seu detector de radiacións caseiro testado sobre Ourense

n

O deseño dun detector de radiacións caseiro económico, realizado por Iria Míguez e Alba Cortés, foi merecedor do segundo premio do maior certame científico escolar de España, a Exporecerca, na categoría do segundo ciclo de Secundaria. O sistema, que foi usado para avaliar as posibles zonas con risco radiactivo en Ourense, foi desenvolvido no marco das Aulas Tecnópole, o programa de capacitación en habilidades científicas e innovadoras organizado polo Parque Tecnolóxico de Galicia e financiado pola Consellería de Economía e Industria. As creadoras do detector foron galardoadas coa súa participación na feira de ciencias que se celebrará en Bratislava (Eslovaquia) na segunda quincena de novembro de 2012.

n


n

 

n

n

Máis da metade do total dos proxectos defendidos neste certame por alumnos galegos resultaron galardoados, a maioría deles coa asistencia a feiras internacionais e estancias titorizadas en centros de investigación. Os premios foron conseguidos en competencia con rapaces e rapazas de toda España e tamén de países coma Eslovaquia, Bélgica, Francia, Turquía, México e Brasil, como resultado do veredicto dun xurado experto ao final da Exporecerca, celebrada durante os últimos días en Barcelona.

n

 

n

Os estudantes do Colexio Guillelme Brown, de Ourense, acapararon seis dos premios logrados pola delegación galega na Exporecerca. Dous dos seus equipos viaxarán a Rusia en xuño para participar na Exposcience Europe grazas a que se fixeron con dous primeiros premios na categoría de primeiro ciclo da ESO. Alejandro Vázquez Paradela e Daniel Rodríguez Losada desenvolveron o denominado por eles ‘superchicle’, unha goma de mascar que incorpora nutrintes dos que é deficitaria a nosa dieta habitual. Este proxecto foi recoñecido por partida dobre, xa que obtivo tamén o Premio Ciencias da Saúde concedido polo Hospital de la Santa Creu i de Sant Pau e dotado cunha xornada de traballo titorizada por un médico neste centro hospitalario. 

n

 

n

Pola súa banda, Emma Lorenzo Casas e Sofía Justo Villar realizaron un estudo sobre o uso de sepiolitas (coñecidas como area de gato) como sistema para reter a humidade no solo e aplicalo aos cultivos en zonas áridas que as levará tamén a Rusia e que foi ademais recoñecido co Premio Consejo Superior de Investigaciones Científicas (CSIC), o que lles permitirá afondar na súa investigación durante unha semana nun dos centros do organismo baixo a tutela dun experto.

n

 

n

A bolsa térmica elaborada con illantes naturais por Laura H. Iriarte Navas e Fabiola Sousa Martín, tamén do Guillelme Brown, conseguiu o segundo premio na categoría de primeiro ciclo da ESO, dotado coa participación na Feira Westenschaps de Bruselas (Bélxica) a finais deste mes de abril. 

n

 

n

O último dos proxectos do colexio ourensán recoñecidos na Exporecerca trata sobre a aplicación dos fluidos non Newtonianos ás punteiras das zapatillas de ballet, desenvolvido por Enia Gándara Fernández e Uxía Ayala Regal, recoñecidas cun accesit pola súa idea de usar a maizena para obter punteiras que se adapten mellor aos pés das bailarinas.

n

 

n

Ademais, Gabriel Dapena, Mariana Cabaleiro e Claudio Gómez, do Colexio Alborada de Vigo, conseguiron outro accesit polo seu estudo dos fentos pola ruta do río da Fraga, que lles permitiu exhibir un cartel cos datos destas plantas situadas nas distintas zonas, así como unha breve descrición para que o camiñante poida ir identificando estas especies. 

n

 

n

Iniciativas de divulgación

n

 

n

As Aulas Tecnópole son unha iniciativa de impulso á divulgación científica do Parque Tecnolóxico de Galicia, ao igual que sucede cos ‘Espectáculos de ciencia’ que durante estes meses están levando actividades divulgativas a 8000 estudantes de toda Galicia. Todas estas iniciativas están orientadas a espertar nos rapaces e rapazas a curiosidade e a inquietude que nun futuro os poden orientar cara a carreira científica ou cara a actitudes e aptitudes de emprendemento innovador.

n

 

n

Polo que respecta ás Aulas Tecnópole, os estudantes trasládanse unha tarde por semana ao Parque Tecnolóxico de Galicia, onde levan a cabo os seus proxectos en equipo e axudados por un equipo de formadores con ampla experiencia docente e de desenvolvemento de programas destas características. Os estudantes, todos eles de segundo ciclo de Secundaria e Bacharelato, reciben deles formación sobre as pautas que debe seguir unha investigación científica rigorosa. 

n

n

 

n