A responsable de innovación de Agroamb, Josefa de León, acabada de nomear vogal do Comité Executivo da Rede Española do Pacto Mundial de Nacións Unidas, explicou como o programa xestionado polo Instituto Galego de Promoción Económica (Igape) lles axudou a mellorar o seu posicionamento no segmento das alternativas sustentables á xestión dos residuos orgánicos xerados pola industria agroalimentaria e nas plantas de tratamento de augas de consumo e residuais.
A empresa de Tecnópole compartiu protagonismo na xornada, titulada “Capacitando empresas, creando oportunidades”, con Casa Grande de Xanceda, dedicada á produción de lácteos ecolóxicos, e o Real Club Deportivo da Coruña.
O programa Re-acciona, que acaba de lanzar unha nova edición, está dirixido a apoiar as pequenas e medianas empresas galegas na súa profesionalización e a súa mellora competitiva.