A Consellería de Economía e Industria convocou as axudas para o fomento da propiedade industrial no exercicio 2011, cunha dotación de 550.000 euros. As subvencións destinaranse a atender os gastos empresariais derivados da tramitación de solicitudes de títulos de propiedade industrial e da súa renovación ante as oficinas nacionais, rexionais ou internacionais. O prazo de solicitude remata o 15 de novembro deste ano.
n
n
Estas axudas enmárcanse no eixe estratéxico de valorización do coñecemento do Plan Galego de Investigación, Innovación e Crecemento (I2C) 2011-2015, orientado ao crecemento empresarial mediante a transferencia de resultados de investigación ao mercado.
n
n
O obxectivo destas subvencións é fomentar a protección da propiedade industrial en Galicia, tanto a nivel nacional como internacional, para garantir a plena explotación dos resultados da innovación empresarial. Deste modo, a Consellería de Economía e Industria busca impulsar a protección non só das innovacións técnicas ou invencións, senón tamén das innovacións de forma, relacionadas cos deseños industriais, así como as de imaxe, que teñen que ver cos signos distintivos.
n
n
Mediante esta liña de axudas as empresas poderán obter financiamento para tramitar as solicitudes de calquera título de propiedade industrial: invencións, deseños industriais e signos distintivos. Nos conceptos subvencionables inclúense todos os trámites que sexan necesarios para a solicitude do titulo correspondente e que supoñan o pagamento de taxas ante as oficinas de propiedade industrial, así como a transformación ou a extensión territorial de títulos existentes.
n
n
Tamén se financiará o mantemento de calquera título de propiedade industrial. Neste concepto inclúense todos os trámites correspondentes á renovación de marcas, nomes comerciais e deseños industriais e á renovación e posta en explotación de patentes e modelos de utilidade.
n
n
A suma das subvencións percibidas por un mesmo beneficiario, resultado de presentar unha ou varias solicitudes ao amparo desta convocatoria, non poderá superar os 30.000 euros. As axudas cubrirán o 70% dos custos subvencionables.
n
n
Esta actuación enmárcase na estratexia da Consellería de Economía e Industria para impulsar o crecemento económico e social de Galicia mediante a mellora da súa capacidade científico-tecnolóxica, facilitando a participación das empresas nos procesos de innovación e a extensión dos beneficios da investigación ao conxunto da sociedade galega.
n
n
(Fonte: Consellería de Economía e Industria)
n