Hoxe en día, un dos puntos clave que destacan dentro dos ámbitos tecnolóxicos é o da creación de robots capaces de realizar actividades físicas e intelectuais como as que realizan os humanos, polo que non é raro que, para continuar con este tipo de desenvolvementos, se tivera que someter ás creacións a tests que proben as súas capacidades.
O estudo, que se propuxo coñecer cuán intelixente é unha máquina creada polo home en comparación co coeficiente intelectual humano, foi realizado na Universidade de Illinois, en Estados Unidos, xunto coa colaboración dun grupo de científicos e investigadores especializados en Intelixencia Artificial (IA) de Hungría.
Para levalo a cabo, utilizaron un proxecto de código aberto do propio MIT, coñecido como ConcepNet, que serve para medir a intelixencia artificial.
Os resultados do test foron bastante sorprendentes, xa que este revelou que a máquina obtivera unha puntuación equiparable á dun neno de catro anos baixo condicións normais, pero baixa se a equiparación se realiza con outros nenos de 5 ou 7 anos.
Nas conclusións recollidas explícase que o principal problema é que a máquina non tiña a suficiente capacidade para procesar de forma natural as diferentes ferramentas da linguaxe, é dicir, que en momentos onde o como se di unha determinada cousa fora fundamental -usar ironías, facer referencia a cousas pasadas ou interpretar significados por contextos-, a máquina non funcionaba correctamente.
(Fonte: Europa Press)