O 2020 foi un ano negro para España. Social e economicamente. Pero algunhas alegrías deparou. Entre elas, para o negocio da enerxía eólica. Os muíños de vento viraron alleos á pandemia como nunca antes o fixeran. Tanto que Galicia anotou o mellor rexistro de xeración eólica da súa historia, 9992 gigavatios hora, un 15% máis que o ano anterior, que converteron á comunidade na segunda do país máis produtora, só por detrás da veciña Castela e León, con 12.500 xigawatts hora.
Ademais, a metade da enerxía eólica galega saíu de terras lucenses, convertendo a esa provincia na segunda de España, dous postos máis arriba que o 2019. A Coruña mantívose quinta, segundo datos das patronais eólicas nacional e autonómica.
A electricidade producida polo vento representou o 41% de toda a xerada en Galicia (24.553 xigawatts hora) e foi suficiente para satisfacer o 57% da demanda interna (consumíronse en total 17.300 xigawattss hora), de acordo coa información proporcionada por Rede Eléctrica de España.
Pese ao declive do carbón, Galicia continuou a exportar electricidade ao resto do país. Cifras que amosan que a comunidade segue na crista da onda do negocio do vento, con case 200 parques eólicos que suman uns 4000 megawatts de capacidade de xeración. Pero en carteira hai proxectos que case triplican esa cifra de potencia: 10.000 megawatts. Aínda que a patronal galega xa avanza que moitos quedarán polo camiño.
Non será o caso do cinco parques promovidos por Avintia e Mascaró, dous dos grupos empresariais de ámbito nacional que puxeron os seus ollos sobre Galicia. Antonio Seara é o director dos proxectos. Explica que a comunidade é atractiva porque ten un vento inmellorable (só o canario é mellor en horas de funcionamento dos aeroxeradores) e, sobre todo, subliña, pola seguridade xurídica, que tanto gusta aos investidores. «Conta cun plan sectorial eólico e uns polígonos de desenvolvemento moi delimitados, está moi planificado, non hai sorpresas como noutras comunidades», destaca.
Fonte: La Voz de Galicia