A neurociencia é unha disciplina que aínda ten moitas reviravoltas por desvelar. Moitas enfermidades neurodexenerativas como o parkinson ou a esclerose dependen dos avances que se poidan dar neste campo tan importante para a sanidade. A medida que se desenvolven máis e máis ferramentas e que a tecnoloxía ofrece unha perspectiva máis precisa das probas que realizamos vanse descubrindo solucións que poden cambiar a vida de moitas persoas. É neste escenario onde a galega Qubiotech Health se presenta como unha empresa que podería revolucionar a ciencia nos vindeiros anos.
Qubiotech Health desenvolve un software capaz de mellorar o diagnóstico e seguimento de enfermidades neurodexenerativas. O seu segredo está no uso da Intelixencia Artificial para lograr un procesamento de imaxes punteiro. A compañía comercializa a plataforma de análise de neuroimaxe “Neurocloud”, un sistema de vangarda que pode descubrir moitos segredos do cerebro humano. Actualmente xa se utiliza en hospitais de España e Portugal, axudando a pacientes con demencia, alzheimer, parkinson, esclerose múltiple ou epilepsia.
Ampliación e internacionalización
Agora, a firma está enfocada en ampliar o seu capital e consolidar o seu rápido crecemento. O seu salto a abrir novos mercados internacionais está próximo ao espertar o interese de fondos especializados como a tamén galega Sémola Tech Ventures e a nacional Nowture, que conta cun equipo científico e técnico especializado no mesmo campo. Os mercados europeos e latinoamericanos son o obxectivo a medio prazo, mentres se reforza a acción comercial en España e Portugal.
Fonte: Galicia Press